ملتقى قبيلة حرب الرسمي - عرض مشاركة واحدة

08-06-25, 03:11 PM


	المشاركة الأصلية كتبت بواسطة حسيـن


	يا منازل مي في ذيك الحزوم قبلة الفيحا وشرق عن سنام في سراب عن جوانبها يحوم طافحات مثل خبز في يدام يستبين بها الخبير بها الرسوم دارسات كنهن دق الوشام ما بكت فيها من الفرقا غيوم من نظير العين إلا عن غرام من هموم في قلوب في جسوم في بيوت في ديار في عدام غيرت فيها تصاريف النجوم وأبدلت فيها بعين ما تنام عوضت عنها الظعاين بالهدوم وانتحاب البوم عن سجع الحمام دار مي يوم مي لي تقوم قومة المأموم من خلف الإمام في عدام دوك مبناه مهدوم من مراويح الهبايب والغمام كل عيش غير عيشك ما يدوم يوم وصلك بالكرايم والكرام اسأل الأطلال عنهم يا غلوم يخبرونك وابعيني يا غلام كيف أبا اسأل من تحت ذيك الرجوم صامتين ما يردون السلام يوم مي تحسب الدنيا تدوم وان عجات الصبى دوم دوام في نعيم تحسبه لزماً لزوم مثل منزلنا على ديم الخزام يوم هي توريك خد به وشوم يفضح البراق في جنح الظلام كنه القنديل بالزيت مخدوم شبته داياتها عند المنام داعجات غانجات لو تروم كنهن في كنهن بيض النعام والهواوي من هواهن محروم غير وصل لا حلال ولا حرام يا سنين لي مضت مثل الحلوم كنهن في دار ابن عوام عام هل غريم الشوق يشبع منك يوم شبعة المسكين بأيام الصرام أو تلمين الشمل لم الهدوم يا ليالي السعد عودن بالتمام أو تردين البعض ذيك الهموم والعرب والكل في ذيك الخيام قالت اللي فات ماهوب معلوم ردته لك وأت سالم والسلام . —————————————— الشاعر محمد بن لعبون رحمه الله توفي ١٢٤٧ هـ

الله يرحمه ويرحم جميع اموات المسلمين