عندي لكم يسامعين النصايح
نصيحتن ياطيبها من نصيحه
ماسجلت بالانظمه والاوايح
مبغابها عند الخلايق مديحه
اجري على ستار عيب وفضايح
صريح واحب العلوم الصريحه
تسامحو قدام موت وجوايح
الادمي لابد حيه يصيحه
بكره ليا صاحك من الحي صايح
ومالك مع الارحام قومه وطيحه
تنسى وباقي بالصحون الذبايح
ان كان سوو بالعزا لك ذبيحه
الناس مختلفين فكر وشرايح
ومايفيد حنا كف يمنا جريحه
دنيا الفنى فيه الفتى تقل سايح
لابد ماسود اليالي تزيحه
عجاب صالح الحنتمي