عرض مشاركة واحدة
قديم 28-08-17, 10:56 PM   #206
شـــــاعر

 










 

المطوع غير متواجد حالياً

المطوع is on a distinguished road

افتراضي

بعد التعديل
سر ياقلم واكتب على ماتوريت=من هاجس دوافعه يدفعنه
واكتب سلام العالي الذوق والصيت=ذواق جزل القيل مبدع بفنه
غازي وسيع العرف ومحكم البيت=بيت القصيده مايجي فيه لنه
حكيم راي وعرف لاقلت ما خطيت=قول صحيح يقال ماهو أظنه
اليا كتبت بمنهج الشعر وابديت=أمثله كبير بهيبته قبل سنه
تحس بالتقصير مهما تقصيت=العود مايجلب المنبع مغنه
لكن لعلي يوم قلت وتهقويت=أخير ماتملي هوجسي يجنه
واخبره بما ضيق الصدر واخفيت=اخفيه عن من لايثمن وكنه
اصد كني وانشد البعض مااوحيت =لاني اعرف الكيف هيله وبنه
اعرف من عظمه كما قيل خرتيت=ما يرتكي للحمل لو هو لاونه
انشدك وانت بسر همك له اعطيت=يبحلق عيونه الهبني هبنه
واعرف من لاقلت همك له افشيت=كنه ابو حدين وانته تسنه
وغازي لو اني امدحه كان ماوفيت=رجل دروب الطيب مايتعبنه
يابو طلال أيام حمل بحلتيت= مافيه مرٍ يشبه المر هنه
ونا أقاوم جورهن ماتوانيت=وصابر لان الصبر واجب وسنه
والعلم الاخر منه انا وانت وامديت=اغلب عيال الجد محزون منه
فقد البعير اللي لو الطويق حطيت=حملٍ عليه يسير موحيت حنه
قوي باس يشيل ما يقول انا زريت=رغم سموم الصيف ايام كنه
ونيس ونس احزام شده وعنتيت=الله يعوض له حياتٍ بجنه
وياليت فادينه ثلاثين ياليت=لابو علي يفدون من غير منه
منهم هذاك اللي لسلمان سميت=يوم الحصن معننه بلاعنه
ومنهم سريع اللي على كف عفريت=اللي مع المزمار طبله يدنه
ومنهم ومنهم كثرهم كان عديت=والا رصد ه بسوسير ايضاء فدنه
وختامها بجمل تحيات حييت=وهذي هي الايام مطعن خذنه


رباح


اما المردود على الشاعر رباح بن دبيان البيضاني


حييت ياراع التماثيل حييت=من ضامرٍ روابعه مطمئنه
عن ضيحة تركض وراها الشماميت=اوشرهتً تاطا الرجال المسنه
اورميةٍ تصدف على غير توقيت=ولازريق لغارهٍ مستكنه
ياطولها ياعرضها لاتقصيت=امداح واهداف لهن راس عنه
من شاعرٍ تتعب وراه النواحيت=شاعر وطرقه من هجوسه يفنه
لامختلس معنى ولا هاكعٍ بيت=لاقال قوله مايجي فيه لانه
رباح لامنك على بيته الفيت= تلقا حصان للنشاما منضنه
من ربعهً يوم اللقا وزغاريت=قطعانهم جو الخطر يرتعنه
في ظل مرويت الرهاف الزناتيت=لاجاء نهار فيه للبوش حنه
مثل النهار اللي لبن فازع اوحيت=يوم الركايب ثورن واسهجنه
قال الكلام اللي معه تقل توقيت=فقيدهم سحم الظواري كلنه
واهل البيوت اللي لها رحاب لاجيت=يفرحبها ركبن طوا البعد شنه
مع الصلف كل المزاهب مباحيت=من فندقً عوص النجايب مشنه
واهل الكرم يوم المراجل شحاتيت=يوم الردي يفرح ليا جنبنه
ببيوتهم لمن دخلت اسفهليت=وخصايلً لو قلت ماكملتهنه
قلته ومن شر الحمايل تبريت=كلٍ يدينه حقهن ياصلنه
يامسند الشكوى وثيق الاثابيت=عد الروا الايام مايخلفنه
لاهنت ياللي في مديحي توصيت=تواضعً عبربهن ما يكنه
من يوم وجه للردود استعديت=للقيل سامع والمسامع مصنه
ومن يوم وجه للمعاني تحريت=صديقك الغالي تهقوا بضنه
ونا معك واضربها وين ماشيت=انزل سهل واطلع بها راس قنه
علي لاصلط على الغامظ اليت=وانته عليك عتاب انسه وجنه
لين انها تظهر على مثل ماطريت=وليا انتهت توديعها بالمجنه
قلته حسب عرفي ليا قلت وادليت=ماللعدا فرحه ولهن منه
قلته وانا لوني على العالي اوميت=اركبت شن المتهم فوق دنه
قلته وانا لرقابته ماتجريت=ون لاوحت من ضاق ماسلت منه
ولا العديم اللي به العام عزيت=وغيري وغيرك كم من جر ونه
والله مالومك لو نعيه وفديت=لكن طريقً للمخاليق سنه
مرحوم يا معجب سموع المصانيت=ليت اليالي بالحياه مهلنه
هذا الكلام اللي على رده اشفيت=وان جنبن مرمي الهدف ون نصنه
/
مع تحيات /غـــازي بن مغيران الزغيبي




التوقيع :
اللهم انصر اخواننا من اهل السنة والجماعة في سوريا يارب العالمين
يالله يالله يالله
ياقوي ياعزيز
ياناصر المستضعفين
ياولي المؤمنين
نسألك برحمتك وعفوك وكرمك وجودك وإحسانك أن تتقبل شهدائهم وأن تشفي مرضاهم
اللهم ارحم الأمهات الثكالى والزوجات الأرامل والشيوخ الركع والأطفال اليتامى
من لهم إلا أنت ..
من ناصرهم إلا أنت ..
من رحيمهم إلا أنت ..
من وكيلهم إلا أنت ..
اللهم اضرب الظالمين بالظالمين اللهم شتت شملهم وفرق جمعهم اللهم مزقهم كل ممزق
    رد مع اقتباس