اثنين في اثنيننه يساوون اربعه
هذا صحيح القول مايبغى شهود
دور عليهم خل عنك الطربعه
يابو عدي وكثفوا كل الجهود
كم واحد أشر عليهم باصبعه
وهم في الزايد وفي الناقص حدود
________
انشدك عن بنت مجبوعه ومقطوعه
باللفظ لكنها بالعز مرتفعه
من دونها أسد سوات ألغام مزروعه
نيبانها سم تشبه لانيب الافعه
وبه شيخ معنا وله بصمه ومطبوعه
وله في المواقف وفي منظومها نفعه
___________
ورع وله عينان ماتبصر ويتقدا بها
واخوه له اربع لكن أعما واصم مثل أخيه
يقطع به ابرور وبحور وللبشر هندابها
متعدد الألوان عكسه باختصاره نشتهييه
ماودي اسمه والحقوق اولا بها طلابها
اريد عكسه وانتبه يامستمع خلك نبيه
________
اخذ البنيه من فتاة وحطها على فتاه
تلقى الرياجيل اربعه لكل بنت في الشبه
الكل منهن تصبح الاخرى وسبحان الاله
في رسمهن متطابقات خلك نبيه وانتبه
وكل وحده فالكتاب أيضا تدب بها الحياه
يعرفهن الجمع الغفير ومرتضى ومعزبه
ولهن فوائد واجده أكثر من أقوال الرواه
وكل وحده عندك وعندي تكون محببه