على مركز التشييك ودولي الفكاسار=لفرع الوكاله حيث اداواتها أصليه
تفقد مقصاته وشيك الى الانوار=وكل ازيوت ومايغير امصفيه
وشيك على كل الدواليب للمشوار =نوينا نجوب اديار غرب السعوديه
عسالله يستر كل مافي طريقي حار=تشوف الحراره فوق خمسين بالميه
نوينا سفرنا كسرت الضل ياستار=من علا قرياء نجد ماشين طرقيه
نعانق سريعا تو ماحطبه رادار=من اقصا القرين اليا تعدا الحناكيه
يفوح الزفلت ومايقارب لحول القار=يزيده حراره لين تاصل شفا وديه
وبعده يريع الظل والقيض كله نار=لاكن العصير تشوف كلش وله فيه
وهذي تراها متعت الطرقي المرار=يمد النضر في سجة الرجل عصريه
وقدم الغيوب ايمر فينا السريع اديار=ديار" بها نهضه ومن المجتمع حيه
وحزة غيوب الشمس واضفا الضلام استار=نصلي صلاة الجمع والنيه النيه
نمرالحرم ندي صلاتن على المختار=صلات الخشوع واحاجت الحي مقضيه
وبعده نواصل للعلا والطوال اقصار=علينا وجوب اكمالته شبه جبريه
بني عم واسلاح المو اقف بيوم الثار=لاجات النوايب كان في ذي وابذيهٌ
احروبن ليا سيق الجمل للحريب جهار=وحوض المنايا قدمهم صبت ادليه
لهم معجزاتن دونها تقصر الاشبار=تبيع العمار وساعة النصر مشريه
هزمناجيوش الترك بالماس وللبتار=تشابه مقاطع حربها حرب دوليه
حربنا حرابه بالمعارك يالين انهار=زعيم الجيوش لي ربصناه بدميه=
واخذنا لقب حرب الدول للحروب شعار=ولابه منافس في دولنا ألعربيه
هذا موجز النشره خذيناه بستختصار=سلامي على الحفله لهم جات مثنيه
سلامي سلامن كنه الين ودولار=لمن عد في عناز في صورتنً حيه
هل المجد والتاريخ بالسيف والشعار=كبار البخوت من الحساني الى السيهٌ
وبحضور ابن نابت وريث الكرم والكار=وريث الكرم والطيب اله ورث جديه
وقريناعن الهذال ثم شيخة الطيار=وعن شيخة اليديان ويظاء العواجيه
وقرينا عن الشعلان ومكرم الخطار=وكم فارسن مشهور لادارة الهيه
خلف فارسنً لاطب بالمعركه مغوار=تحت بيرق الشعلان منصوب مركيه
رجال الادب يوم لحكم لاالرجال ادار=سنام البطوله عندهم دقت الرسيه
راعا الشيخه الي كلها من حقوق الجار=قصد مقحمٌ الصقري من الشعر فرديه
وبيت المهلهل يوم حاطتبه الاقدار=تفرد بحكمه ماظهر باالادبٌ زيه
واكرر لكم شكري وبي منكم المعذار=عن اقصور ولا غلطت(ن)جاة عفويه
اخذنا رموز معينه من هل المقدار=وشعر النبط له فن معنى وقافيه
واريدالسموحه لا محابي ولا قمار=على وازع الفطره ماهو جمع ماليه
صعودالمنابر له قوانين ويظاء اسرار=مواضيع مكشوفه مواضيع مخفيه
زمان الرخاء والعولمه جالها تيار=وحب الظهور الي تديره شلاليه
تطبل لبعض الناس ناسنً عقول الصغار=تسودالعلاقه والجهل والانانيه
سمعنا مدايح ناس حيثنهم تجار=وشعارهم في مستواهم ثناويه
يقولون زيد من العرب هازم الكفار=ونا اقول جده مسلمن حافض الرعيه
وتمت من هجوسن تخاطب على الاقمار=على بث وستقبال وختوم رسميه
اخاطب بتل غراف بري وبالابحار=بعبر الاثير تبث تكتب وصوتيه
غازي الزغيبي