ياشيخ صلاح عساك تبقى وتسلم=يامعطيٍ من مال تحبه يتيمي
وأنقذت عجوزٍ كان ممكن تيتم=اللي لها غيره بناتٍ حريمي
قدر عليه الله ومطلوب بالدم=والمبلغ المطلوب شيٍ عظيمي
سخرك ربك رحمةٍ فيه بالأم=وفيت لاهفيت وأقفى الخصيمي
أكرم عليك الله وبالمال تكرم=والله سبحانه يحب الكريمي
قدرت ربعٍ جوك مع بندر الفرم=في موقفٍ ياشيخ يغبن الغريمي
حسمتها ياشيخ من دون تهتم=وأنهيت جمع أموال كثره يظيمي
ويش عاد لو أنه ملايين تٌرقم=كتبتها ياشيخ بيمنى الشهيمي
ولاهذا أول جود وطيبٍ تقدم=ذكرك وصيتك بالقبيلة قديمي
يفداك من عطاه ربه ومٌحرم =يجمع ويمنع خاتمته الجحيمي
يالله عساك في جنة الخلد تنعم=بجاه السميع اللي غفورٍ رحيمي

[table1="width:95%;"]