بعد غيبة سبوع ويوم جيت أدور الشعـار=سلام الله سلام يشـرح الخاطـر بنبديبـه
أبي شاعر يقص الدرب ما يجنح يمين يسار=بدون قصور يا شعـار لا شـك ولا ريبـه
بعد غيبة سبوع ويوم قدم للعـرب معـذار=هلا يامرحبا ترحيب باللـي طـول الغيبـه
ليا من جيت في سوق الغلا والطيب لا تختار=اخذ قسمك مع التجار في مكه وفـي طيبـه
عليه الله وأمانه يم جـدة رحـت لـي مشـوار=وعبد الله مسيّر لا مخيّر لين ملك الموت يقفي به
حبايبنـا بقلبـي لـو غابـت عنهـم الأنظـار=عصانـا وحـده لـو الدهـر شانـت هناديبـه
بعد سقت الركايب يم جده عطني الاخبار=لنا واجب وراعي الطيب لاتنقص مواجيبه
علامك مختلف ممشاك وانتا شاعرأ بيطار=عسى عد الروى من يمكم تصفا مشاريبه
أنا عندي غرض سري وصعب أبيّن الأسرار=وأظنك تعرف إن الضيف في حكمة معازيبه
يقولون الرجال الزود ما ينقص من المعبار=لكن أبشر بعلمٍ كل من يسمـع يغنـي بـه
ليا منك تجي ضيف(ن) ترى للغوش لك مسيار=وانا ماني سوات اللي يجب العلم ويسريبه
ترى بعض السوالف ياعميلي مالها محدار=لاكنك دور اللي من عليه العلم واطريبه