. اهلا هلا ترحيب بإسم العرانين@بإسم الرجال الي يشرف نباها
ربعي هل الوضحى كعام المعادين@يحق لي يوم افتخر وأتباها
وأكرر الترحيب عد الودادين@وسمية ن تنثر على الخبت ماها
باللي حضر في حفلنايوم الاثنين@اسعد بجمعاها وفي ملتقاها
لبوا لدعوتنا وجونا مهنين@الشيوخها ومارها ووجهاها
الله يحييهم تحية ميامين@.وأنا ادري ان امجيها من وفاها
وحنا لهم في كل حال مدانين@والله يحييها ويسعدمساها
مبروك للمعرس عسى فاله الزين@في ليلة ن نور الفرح في سماها
بحضور من يشهدلها باالميادين@عتيبه الهيلا مهيلن لقاها
بالشر صلفين ن وباالسلم رفضين@ماأطيب خصايلها ومكثرحلاها
امجادهم ماتنحصي بالدواوين@لافي شجاعتها ولافي قراها
ذباحة للحيل باالعسروالللين@زحول الرجال الي بعيدن مداها
برقا وروق يرجحون الموازين @لاقامت الهيه ودارت رحاها
ومع المؤسس تنصرالحق وتعين@لين ن دولتها توثق ابناها
قلته وانا من حرب قضايت الدين@قبيلةن ماتنعسر عن هواها
تغني مراحينن ن وتفقر مراحين@خزايزالايدي من حلايب اعداها
النا ثلاث وبعدهن ضيف ثنتن@والثالثه مدراجها في سراها
حرابة العدوان دون الحرمين@لين المؤسس جابه الله وجاها
عبدالعزيز الي حكم ببوحدين@وحد قبايلها مثل متراها
متألفين اخوان عقب الاكاوين@في مدنها ولاسكن في قراها
ونحارب الارهاب شرح ومضامين@الي لحقنا باالمساجد واذاها
ياناس شفتم كيف ذبح المصلين@وسط حرم بيته تسفك ادماها
خوارج تلقى الضعوف ومساكين@كم اخلجو في والده من نماها
ناسن مظاهرها مظاهر هل الدين@والدين ينفاها وحتى اعلماها
ياجب علينا كلنا النصير واعين@شوف الدول وشعوبها وولياها
وحنا باخير وبأمنا مستقرين@ولدولة ابن السعود نعلن ولاها
برقابنا بيعه منول وهلحين@ونقولها ونعيدها ونتباها
ازي مغيران الزغيبي