قصيده ارسلتها للأ خ حسن بن مصلح بن وكيل الشيخ
في 28/5/1436

خمسة عقود وحولها حول شهرين
ويمكن عليها ياحسن كم ساعه
مرت عليه كنها مر يومين
اثر العمر ياخوي ياقصر باعه
وحنا نخطط بني ملحق ودورين
ولا ثلاثه كان فيهااستطاعه
امال نبنيها على طولت اسنين
والنفس فالدنيا سوات الوداعه
والمشكله فوق الجنايز مصلين
وكلن عليه الحزن باصط شراعه
ما نعتبر مانفتكر يالذ هنين
كأننا من الموت معنا منا عه
نرجع على خط الاماني ملبين
واطماعنا ترجع لنا بي اتساعه
تبغى الحقيقه كل ابو نا مساكين
وانفوسنا فيها الكبر والشناعه
الا نفوس العقل والميز والدين
اللي عطاها الله طيب القناعه
يالله طلبتك في طريق النبيين
عابر سبيل وظلنا في انقشاعه
وللأخره والدايمه مستعدين
وموته على سنة زبو ن الشفاعه

.....خليفه المزروعي....
...............................................

الرد من حسن بن مصلح بن وكيل الشيخ أبو إياد

حي الكلام اللي لفاني بتقنين
من شاعرٍ في القيل يطرب سماعه
خليفه اللي من سلالة شياهين
دايم على الطالات تسبق ذراعه
عبر عن الدنيا شروح وعناوين
وحلل معانيها بكل البراعة
وعنده على ما قال جملة براهين
تكشف عن القلب المغطى قناعه
العمر يمضي والعرب عنه لاهين
والنفس فيها للذايذ طماعه
ولولا الأمل بارت جميع الميادين
ولا عاد تلقى من يطوي متاعه
والحل جبته يا صحيبي في بيتين
فيها من البدر المسمى شعاعه
قلوب بعض الناس للواعظ تلين
وقلوب بعض الناس فيها مجاعه
واللي غفل ويقول بعدين بعدين
طاع الهوى والنفس عند مطاعه
خاب وخسر نهار عرض الموازين
والعقل يوم الناس تشريه باعه
وختامها يارب توبة وتمكين
على الصراط ويوم نشر البضاعة


...اخوكم حسن بن مصلح بن وكيل الشيخ...