باسم الله ابدا ولا غير اسمه البادي=
رب خلق من عدم ها الخلق ووجدها
ومن بعد ذكر الولي صلوا على الهادي=
صلوا على من بعث للناس يرشدها
البارحه يوم خلق الله هجادي=
واناالقريحه جديد القاف هاجدها
يطلع وينزل بها سرداد مردادي=
هذي يحول بها وهذي يسندها
طرق هجوس القريحه طرق حدادي=
ومن العنا والهموم الروح جردها
واختار بحر به الجزلات تنقادي=
بحر بكار الفرايد فيه ياجدها
ساعة طرقها رسول مهوجس فوادي=
عرب على ربع راعيها موردها
هذي تعقل وذي يبرملها قيادي=
يسوقها هاجسي. والفكر ينقدها
وعن باب يدخل معه حاسد و نقادي =
الي ماهي بمستوى الثنتين يبعدها
شيهانة ما شبكها كل صيادي=
لو طاح فيها نصيبه كان شردها
وبا الشعر غاوي وبه شاعر وقصادي=
وكل وله جمة دلوه يراودها
وقصيدتي في قبيلة حرب الاضدادي=
تطول معها رقبتي يوم اوردها
من عنبر الشام والكنبود والكادي=
بامجاد ربعي قبيلة حرب اقندها
الشعر في مدح ربعي ما يجي عادي=
كل القصايد تقدم لي فرايدها
قبيلة با الجزيره طيبها سادي=
تاج المفاخر متوجة بدايدها
من جودة سلومنا نسمى با الاجوادي=
والجود هامة شرف والكل ينشدها
وربعي على هامة التاريخ الاسيادي=
الفعل شاهد وطيب الذكر شاهدها
والحق مثل النهار ومنكره غادي=
مايجحد الطيبه ياكود فاقدها
ومن قال غلطان. اقول. محدر الوادي=
للروح ساعه وعند الله موعدها
باتاريخ الامجاد تلقى حرب الامجادي=
حتى العجم في بلاد الغرب تكدها
على سلوم العرب والملح والزادي=
ثلاث حرب الشهيره في تفردها
مضرب مثل للعرب وتقال وتعادي =
ويفلج بها الخصم والحجه تفندها
ومن عزة النفس فينا عزة اسادي=
ما نحب روس الخشوم ولا ان تسيدها
من ماضي اسلافنا الين الاحفادي=
ومكاسب الاول التالي يجددها
وباق المزايا با ربعي ما لها عدادي=
وكل القبايل لها فعول تمجدها
ما قول ما غيرنا لطيب ورادي=
كل القبايل عدود الطيب تاردها

خالد الحصني=