شفت الجبل معتلي كل الجبال اللي تباريه = ركزت بالي عليه وشفت ماسر الفؤادي
شاهدت عشبِ على متن الجبل طالت نواميه = وزهور من شافها تغنيه عن شربِ وزادي
شفت السكب والخزاما نبتها يشمل مشاحيه = وان مرته ريح جات معطرة عنبر وكادي
قيه العسل والعسل محلاه لازانت مجانيه= اطيب غذا والدوا مضمون من رب العبادي
وصفه جذبني وصار الفكر تايه في روابيه=البال مشغول وعيوني جفت حلوالرقادي
وازداد شوقي بعد شوفة غزالِ في محاميه= عايش في حضن الجبل مايعترض مع كل وادي
وقلت له ياجبل من جاك يلقى مايسليه = اللي قرب منك يسلى كل بقعة في البلادي
لوكنت ضلعِ عسير ويتعب الراقي مراقيه= اخير من منزلِ قوق الوطية والوهادي
وانا زبنتك وابا الجيرة وضيفك لاتخليه= تعلق القلب في الجيرة وهي غاية مرادي
ترى دخيلك نصاك وصوب راسك شد عانيه= عطه الطلب لايجي من عندكم صفر الايادي
من بعد شوفه لكم عاف الجبال اللي حواليه= كل النظر يمكم ويسوق روحه للسدادي
وانا مااظن الجبل بعد الشموخ يهون طاريه= يظل شامخ ومصدر للعطاعلم الوكادي
لاياجبل لاتبيع اللي هوى قربك وشاريه = مفروض من حبكم يلقى المحبة والودادي
وان كان فيك الجمال انا كثير العرف حاويه= ولياجمعنا مزايانا سوا نلنا الرشادي