ارسلت لك من باب عهدٍ وميثاق = حتى على ماقيل يرتاح بالي
إن كان وإن الود في داخلك راق = وشفت المشاعر تندفع ماتبالي
خل الرسايل بينها عشق وعناق = ويلقى بها حبر المودة مجالي
وإن كان متردد تريث . والاشواق = تنبيك عنها قادمات الليالي
الود نعمة به مقاسيم وارزاق = ونعيشها مابين مُرٍ وحالي
وإن ماحضر مكتوبنا غير بفراق = ليه طلب لاترخصه وانت غالي
لاشفت قلبك للمراسيل مشتاق = ارسل وتلقاني إذا العمر طالي
لامل بي صبري ولاخاطري ضاق = دام النصيب يصيب يابعد حالي
علمي صفا كنه علم دوم خفاق = في داخلي في واقعي في خيالي