الاخوه الاعضاء هذه قصيده
وهي رد على احد الشعراء واعتذر عن نشر قصيدته لان فيها
ذكر قبيله واسماء اشخاص
يالشاعر اللي مرسل بخط مرسال= كلك فهم ياكامل العقل والدين
انت البعير اللي للاحمال شيال = وعرفت وسمك في هذيك البعارين
واللي بجوفك يبدي بنطق الاقوال = اختار لاعبرت حكمة حكيمين
يحكمك سلم وشرع مع ناس عقال = ويفلجك بالحجه قوي البراهين
للشعر فيك فنون مع ضرب الامثال = كانك حبكت القاف بالجيم والسين
والوقت من عصر ادم اقفاي واقبال = ويمر فيك العسر واليسر واللين
والشمس لا يمكن تغطى بغربال = وانته عطاك الله لسان وشفاتين
حافظ على محصولها حفظك المال = عليك كاتب يكتب شمال ويمين
واللي يبرهن صدق الاقوال الافعال = واللي كتبلك لازم تشوفه العين
وسوى حصيلك لوتعنيت ماتنال = والغير عن مافي يدينك غنيين
وعدّك لمن سوابك خيار الاعمال = رد الثنا طبع الرجال الوفيين
يبقى عليك وسام تقدير واجلال = وما يجحد المعروف غير الرديين
يالشاعر اللي مرسل بخط مرسال = كلك فهم ياكامل العقل والدين