((مدخل))

معشقنا سواك ولانبيع الهوا
انته اللي ودادك للاحاسيس راق

حياك ياسيد المواليف حياك=اسمع سواليف الغرام الجديده
دام اتخيل طلتك كيف بنساك؟=وانت اللحن ودموع عيني قصيده
وقلبي من الاشواق بالشوق ينخاك=تكفى سجينك لاتفك اله قيده
يعيش حرية الياعاش بحماك=قانع ومعروفك يكفي زهيده
تبسمت له دنيته يوم لقياك=وعاشك فرح بدل صيامه بعيده
صمت الجفى محل في يوم طرياك=ايو اللذي تركع رضى له عبيده
محراب ودك في خفوقه ومسعاك=داخل شرايين الحشى في وريده
تجفاه نفسه لو خطر يوم يجفاك=ياحاكمه بالود ياسيد سيده
عايش بخفاقه وللعين ينفاك=حتى تشوف اشكثر نفسه سعيده
منوة حياته لو سكن في مراياك=حتى اليا ناظرت يلمسك بيده
يضماك ود ومن ضماء الود يرواك=دامه قتيل الود وانته شهيده
رسمك لوحة في شتاء البعد يدفاك=حالة غرام يعيشها مع وحيده

(مخرج)

رح تفيى بقلبي من عذاب النوا
ولاتفكر بيوم تقول هذا الفراق