على الوعد لا زلت أنا في إنتظـارك=كانك نسيت الوعد لا يمكـن أنسـاه
ما القصد كان إتحطني في إعتبـارك=وين إحتـرام الوعـد أسألـك بالله
إلا إذا يرضيـك وعـدي غـرارك=إشرهه عليّ إن قلت في غيبتك آآآآه
لا يكون طبعـك أيّـده مستشـارك=جبلّتك تفـرض وتتطلّـب إرضـاه
حبّيـت فيـك إمعانـدك لإنكسـارك=لو كنت ياما كنت في إحروفك أقراه
وحبّيت فيك إصروف بردك ونـارك=لا أقبلت واويلاه وإن غبت ويـلاه
وحبّيت فيك أستـاذ كـل المـدارك=اللي بغيرك شـرط لا يمكـن ألقـاه
واللي ذبحني فوق جمـر إنتظـارك=قـل إحتـرام إمواعـدي منـك لله