الاخوة الكرام اسعد الله اوقاتكم

الشاعر المبدع الرائع مساعد الجليدي استمتع لقرأة مايكتب لجودة وقوة معانيه وروعة وصعوبة قوافيه
ولقد وجدت نفسي مندفع لكي اجاري قصيدته ودعتها توديع حي(ن) تخفى وان كنت ذهبت الى منحى اخر وطرقت ابواب مختلفه .....

للمعلوميه لست من اصحاب الطيور ولكن الطير كناية لشىء رمزي في نفسي ولكم صادق المودة....




واطيري اللي بالجناحين رفا****يبغى المطير وأكثر السرب فاته


قطع سبوقه ثم تعلا وقفى****يسعى ورا سرب(ن) ويبغى شفاته


صفقت بالكفين كف(ن) بكفا****وحتى لساني ألتصق في لهاته


يوم الأمل في وسط صدري توفى****ذكرتلي عود(ن) ذكر لي وصاته


ما راح راح ولا يدوم المخفى****وما راح لا تكثر عليه الشماته


وأقبل على المقبل بود وتحفى****وأحذر على المقفي تجيك ألتفاته


ويبقى لنا شف(ن) وللناس شفا****والأدمي يلقى دواه بصلاته


ورجلن بلا صبرن سراجن مطفى****ورجلن بلا صبرن وشي حياته؟


وشعاد لو جار الزمان ويلفا****يا و قت باقي جور الايام هاته


ومهما زماني من عنا الوقت زفا****حسبت جور أيامنا وحسناته


ولقيتني فايز على كل صفا****والريح ما هزت طويق وثباته


وتم الجواب وغاية القاف كفا****وجمعت من فكري بقايا شتاته