ياشيخ ياكبرها هاذيك مع ذيه = ثنتين ياشيخ والله تبحث الخافي
مانته بمجبور تاقف وقفة ٍ سيه = وتحط نفسك بها الميقاف ياكافي
حاولت اجنب واقول اشويه اشويه = ياهاجسي مانقصني هم وشعافي
لاكن ترا شرهت التاريخ يايديه = على القلم واللسان وقفت اسنافي
والا عقول ٍ تقدس للعبوديه = ما من وراها سوا تضليل واجحافي
القبر قافيك والاوضاع مقفيه = ولاانته مطفي لنور ٍ ماهو بطافي
الدين ماهو بتعليبه مزاجيه = والا تصفي شراب ٍ ماهو بصافي
عن وجهة الدين حولها سياسيه = ثم قول ماتريد ووقف بي ميقافي
الدين دونه حماته يادوينيه = ماجاملوا فيه لاناقص ولاضافي
لاتحط نفسك مطيه للحونشيه = وتضيع مابين متغطرس وعرافي
الناس لو تسكت وتلزم حياديه = ماكل صمت ٍ رضا لمن يسمع وشافي
فايز موسى البشري