المشاركة الأصلية كتبت بواسطة محمد سعد اليوبي

اعداد ما ساق الحيا للفييفي=واعداد ما صدَّق سحابٍ لنوه
سلام ساقه شوق في ليل صيفي=وادفى به الذعذاع في عز جوه
سلام شايح فالزمان المخيفي=بعيون دارت بين خيره وسوه
حتى استقرت فوق قصرٍ منيفي=مابين سيف وضيف مشبوب ضوه
انزاح ظله بعد ماهو مريفي=وبان فيه الضعف من بعد قوة
وقلبتها بعيون شاعر حصيفي=وليا ربيع العمر وأتلاه سوه
وش فالشتاء والصيف والا الخريفي=لا أقفى الربيع وحار فيها المفوه
وأسرجت خيلي والمهند رديفي=وصديت وجهي عن ضعيفٍ مشوه
الشعر سيف وبن خولان كيفي=ماني من اللي يطرق الباب توه
منه معدي فوق راس الطريفي=عيبٍ عليه أنزله من علوه
ومنه على الهدات مزري عجيفي=ماله معي في رحلة القنص خوة
قلبي على الشدات لو هو رهيفي=ما كان يردم ساعدي كل هوة
ولا اقول ان الفوز دايم حليفي=وأنا أمير الشعر وأنا سموه
لكني أحمل سيف فيصل عطيفي=يفصل صميدع عن قليل المروة
من مدها بالطيب دونه بسيفي=ومن قدم البطال سيفي عدوه
أما ليا قالوا حليفك خفيفي=أقول ماني داخل القلب جوة
أنا أتوقى نيتي مع حليفي=والله يلقي كل مخلوق نوه