صحيح بعض الناس يكتب ويقرا=ويحـط نفـسه فـي مكان الزعامه
لوهو غـني ولابـسٍ بـشت شـقرا=وقت اللّوازم ماتـشيله اعـظـامه
طير الخـشب لو ينقر الحـيد نقرا=يروح دنـقــوره اسـوات المـسامه
والـكـبرِ للرجّـال خـيـبـه وحــقرا=راعـيه يبشـر بالـخـزا والـنـدامه
من عـاش بالحـيلات نـصبٍ ودقرا=يجـيه من يرخي مكـارب احزامه
واشوف بعض الناس من جد فَقرا=بنفوسـهم عزه وجـود وشـهامه
والحر الاشقر يصقر الصـيد صقرا=يفرق عـلى غيره افـعول وعلامه
ماقـل دل ومـوجـز الـخـط يـقرا=شـطـرٍ شـقرته مـاعـليّه مـلامـه