ياذا الجهاز اللي ولوك الرجاجيل = ماشفتلي عبدالعزيز الحمين
القاضي الممدوح جزل الافاعيل = اللي على الهيئات توه تعين
باصبلة من دلة البن والهيل = وقول يامفقود منته هوين
داراتك مثل محكمات الصناقيل =لايابعد كل انفتاحي ولين
لاوالله الى غبت مع غيبة سهيل =خلاتنا من عقب صارت تبين
تراثنا صارت عليه البهاذيل =مافيه غير الغانيات المزين
للعلمه بعناه بيع العماميل =وحنا العرب نبع الادب والتدين
والناصحين نقول عنهم مهابيل =ونطيع من عقب الرفيع المهين
ماعاد باقي باسفينه مكاييل = الا يضحي بعضنا وش نزين
العز ماله بالمعاصي منازيل =والذل مايجلاه وجه التزين
تكفون ياحكام نجد الحلاحيل = وجه التراث اللي يشينه يشين
وامانة الاسلام وامانة الجيل = مايرتكي بشدادها غير صين
والعلمنه واللبرله حيلها حيل =ومن خان ربه ليه مايصير خين