الوفا ياهل الوفا يا شاربين الشاذليه=لا تردون الدخيل اللي عليكم معتمدها
الحويفي منتخيكم من يرد الهاشميه=والعمامه في يديكم منجبر ساعة حردها
القبيله ياخو حسنا تنتظر فك البليه=بالمعزة والمروه تفتخر بانك ولدها
فزعتك كود المواقف عز في وقت الحميه=وما يحل حبالها غير الفطين اللي عقدها
ويا ولد محسن حجاب الشيخ يا اصل الهويه=ما تروحَ فالقبيله فزعتن وانت سندها
الحقيقه يا حجاب امد لك يمنى يديه=اعرفك عتق المنيه ما ترد اللي شحدها
يا جماعه ويا مشايخ ويا رفاقه ويالبقيه=وقفتن لجل الحويفي وقفتن ما نضطهدها
البقا والشكر لله والامل فينا سويه=الشهاده بالاجر يا كم تشرف من قصدها