ياحرب هبو للحويفي ينادي ** هبت وفاء يفرح بها كل مسجون

تكاتفوا بالمال هو والايادي ** تكفون ياربعي ياحرب تكفون

انخا اهل الفزعات بيض الايادي ** ونخا اهل الفزعات باللي يمدون

عشرين عام بالنكد والنكادي ** للي ورا القضبان بالسجن مسجون

إلى وقفتم وقفتن بتحادي ** وقفت وفاء يفرج بها عالم الكون

بشده وعزم وبذل الايادي ** وحتى لو صارن ثلاثين مليون

لو كل حـربي يدفع الفين عادي ** والله ماااتساااوي قيمه تلفون

ربعي هل الفزعات سم المعادي ** سم المعادي وللمعادين طاعون

سالم اهل الردات علمن وكادي ** ومسروح لاقامت على العهد يوفون

مده ثلاث شهور ماهي بعادي ** تكفون ياربعي ياحرب تكفون

امل تنااادي والبكاء بازديادي ** تسأل عن المسجون متى يجيبون

الشاعر / نافع هجاج قيران العلوي