قالت غريسه زينـــة القول والبنا= فجاني زماني والمقدر دهانيه
تهاويت مع زيدٍ وطابت ليالنا= ثمان سنين في طراة وأمانية
هواني وهاويته على الأنس والهوى= وقطفنا ثمر مالاق والنفس فانيه
سقاني شرابٍ من ثمانه وانا بعد = سقيته شرابٍ صافيٍ من ثمانيه
وغشاه الكرى لما مضى الليل وانتهى= وبتنا منيسينٍ والآجال دانيه
ألا ليت زيدٍ طاعني يوم اقوله= أسري وكل الناس بالنوم هانيه
ولاطاعني والأمر مافيه حيله= غشا زيدٍ حلو النوم وانا غشانيه
ولانتبهت إلا ان زيدٍ ضـــــــحيه= نعيته ولو هو حي عندي نعانيه
ولما قطعوا رجلي تراكيت بالعصا=على جال قبره قلت ماجاه جانيه
وبعد قطعة الاخرى تدربيت بالوطا=على قبر زيد وقلت هذا مكانيه
لامت ماسايلت عن وابل الحيا= ولامن حفر قبري ولامن بكانية
عفا الله عن زيدٍعشيري وعني= لوكان في حوض المنية رمانية
فيا حافرٍ للقبر وسع جوانبه= على جانبٍ من زيد لا تبعدانية
المقصد إني مااقوله بخاطري= أبي ليا جا الوبل زيدٍ سقانية
أوصيك يانقر الصفا لاتغرني= لاجوا عريبٍ واردينٍ هدانية
يامدورٍ زيدٍ ترى زيد عندنا= قتيل المحبة في سبب كل جانية
ترى عامر توخذ به الإبل والغنم= وفي زيد مايكفيهم إلا ثمانية
أ بوي واخوالي وعمي وعزوتي= ذبح الشفايا في عشيري هنانية