السلام عليكم
مساء الخير
بدر الحويمضي عرف عنه شاعر في مجال المحاوره
وهذه قصيده لشاعرنا كذلك
هاضت هواجيسي لنضم الطواريـــــق
واشغلت بالي في جميع الطراايق
تزعجني الصجه وصوت المخاليق
واطــلب فرج من عند رب الخــلايـق
يالله تفرج لي من الهم والضيق
امسي واضيـق ويصبح الصبح ضايق
والله يالالا سجتٍ مع سواحيــق
ليسوقني من جولة الهم ســايق
الوقت قام يلفق الصبر تلفيق
والغــش يطلـع من بطون الحقــآيق
صرنا نجآمــل والمساعي توافيق
شيٍ يليق وشي مـآهو بلآيــــق
شبعان من همٍ يدك المعاليق
كنه على قلبي يولع حرايــــق
آثقل من السوده ومن هضبة طويق
وانا على بعض الدعاوي موايـــق
لولاي اكنه بالضـــلوع المغاليــق
كــآن الزمن ضحك علي العلايـــق
آنفوس بعض الناس دايم مدانيق
اللي على طيحة شموخي تهايــق
و ا صدورنا للهم مثل الصناديق
اللي عن عيون الاوادم غلايــــق