سلام منّا مثل مزن الغيث لامنّه زهب=
واِنقاد غيثه للديار اللي لها ربي وهب=
وبله حقاق ويروي الأكباد لو كانت لهب=
(هذا سلام معبد البارود في حفل البشور)=
حنّا لفينا في وجوب اللي على ربعه كهب=
الشيخ ابن زارع جويد الساس وربوعه ذهب=
شِيِخَه مسيسّها على سيسانها ماهي نهب=
(مبروك يالعزوه ودامت بالسعاده والسرور)=

يا مرحبا ترحيب يسطع فالسما مثل الشهب=
في حفلنا والطيب يبقى يالعوارف ما ذهب=
القصر ثابي مستقر ما هزّته نسمة مهب=
(بإسم البشور اللي تكيد الخصم و تعزّ الحضور)=
الله يحييكم على التكميل واجبكم زهب=
في حلة اللي دون ربعه مثل سهمن ملتهب=
من ورث جدّانه رجالن ترهب اِعداها رهب=
(والله يبارك بالجميع وبيننا القن اِمْعمور)=