ياللي سكنت بداخل الروح ماتروح= محتل ودك في خفوقي مساحه
دام الغلأ روحٍ تعانق لها روح=حرفي من أجلك مطلقينٍ صراحه
ينشر عبير الورد في صفحة البوح=من عذب حرفي جملتي به مباحه
يشبه حمامٍ ناح في عالي الدوح=يجر صوته يوم رفرف جناحه
وانا معه حرفي به الشوق مشروح=نادا الودك بالمثايل وناحه
يامن له بقلبي مكانات وصروح= لاتجرح المجروح تكفي جراحه
غريق ودك والآمل ماسكه لوح=لو إن موج الهم للحزن زاحه
يدمح خطاك ودائم يقول مسموح= قلبه وليفك من سمته السماحه
الطف بخلٍ صادق الود مذبوح= قتيل ودك صابته من سلاحه
لو يشتكي جرحه وبالروح مجروح= في شوفتك ياخذ من الجرح راحه
لاتاخذ المعنا تسلي مع مزوح=ودك بقلبي يا غلاي استباحه
والله لولا ودك اني فلا ابوح=ولايشا ف حرفي ينكتب في صراحه
ياللي سكنت بداخل الروح ماتروح= محتل ودك في خفوقي مساحه
http://www.m-harb.net/vb/showthread.php?t=116309