سلام ياراعي الوفاء طول المدا في كل يوم
سلام يارجل شهر مثل الصقر عالي يحوم
شهادتي وارث عطا طول المدا دايم يدوم
سبحانه الوالي لوحده فوق عرشه واستوى

والثانيه دامه بدا جاته حدا لجل السلوم
هذاك يعطى من ورى معطى ولاشفته يسوم
الا انت ياالوافي ترى حالي برا يلحقك لوم
برقن برق وسط السماء والمزن لفه واحتوى


الــــــــــــــــــرد

يامرحبا طيب النبا يطلع مطاليع النجوم
يامرحبا عد الوفاء فيه الصفاء فأعلى الرجوم
الطيب بين الناس ماينقاس لن جات العلوم
مثل العدود الصافيات اللي وردها ماارتوى

السلم جاله علم حنا مافترت فينا عزوم
والي عطا ماهو خطا قسمه من جزال القسوم
وانكان تطلب حق عد الحق والعلم محسوم
شفنا حقوق المزن فيه بروق والخط التوى