أمس الضحى في عالي الرجم عديت=وفيـضـت فــي راســه عـبـايـر خـفـوقـي
وقعـدت ليـن ادلولـس اللـيـل ومسـيـت=وحــولـــت مــنّـــه نـاشــفــات عــروقـــي
ورديـــت مـــن بــكــره عـلـيــه وتـعـلـيـت=وقعدت حتى شفـت شمـس الشروقـي
أشــرف عـلـى دار بـهـا الـعــام مـريــت=والــيـــوم مـاكــنــه سـكـنـهــا مـخـلـوقــي
خلـيـان مـاكـن ابتـنـى بـارضـهـا بـيــت=بـــس الـفـجــوج الـخـالـيـه والـطـروقــي
وحتـى مـن الأونـاس ماشفـت ماريـت=مـاغـيــر رســــم بــاقـــي لـــــه رمــوقـــي
بــــس الـشـنــون مـحـذفــات تـشـاتـيـت=شنونـن علـى الـديـران مـثـل البهـوقـي
وشفنا الرسوم اللـي عليهـن تشافيـت=رســوم عليـهـا القـلـب مـنــي شـفـوقـي
رسوم عليها مـن ازرق الدمـع هليـت=دمـــع تـحــدر فـــوق خــــدي صـفـوقــي
لـيـا شـفـت مـدهـال الـرجـال الزناتـيـت=تـقــول قـلـبـي يـنـمــزع مــــن عــروقــي
رجـــــال مـرابـعـهــم تـهـيـظــك لاجــيـــت=ومـربـاعـهـم بــيــن الـجـلــد والـعـروقــي
ونجـورهـم للضـيـف تـرسـل تـصـاويـت=وضـيـانـهـم بـالـلـيـل مــثـــل الـبــروقــي
رجــــال عـلـيـهـم مــــن قــديــم تـربــيــت=وفـارقـتـهــم والـقــلــب مـــنـــي يــتــوقــي
وابديـت مافـي داخـل القلـب وافضـيـت=وانساق من عمق الهواجيـس سوقـي
وابكي عليهم كل ماصبحت وامسيـت=وشــكــواي لله عــالــم الــشــان فــوقـــي
وشـعــاد لــــو انــــي بـكـيــت وتـمـنـيـت=يـامــا بـكــى قـلـبـي جـزيـنـن عـشـوقـي
وقلبـي بكـى حــي عـلـي غـالـي مـيـت=والـدمـع عـقّـب فــي ضمـيـره عـشـوقـي
ويـامــا بـكــى رجـــل عـلـيـه التـثـابـيـت=قــبــل الـوقـايــع هــــل دمـــــع حـقــوقــي
ولـو لمنـي بعـض الخبـول السرابـيـت=اهــــل الـنــفــاق مـشـدقـيــن الـحـلـوقــي
بذنـي صـقـه عــن حكيـهـم ماتوحـيـت=ولا احـــــب نـــــاس لـســرايــر تــبــوقــي
وان قالـو العـذال وش فـيـك ماابـديـت=مـانــي عـلــى اســـرار الاوادم نـطـوقـي
امـشــي مـــع الـعــام عـلــى مـاتـوريـت=اعطـي حقـوق النـاس واخــذ حقـوقـي