ودي اضحك ودي اسولف
نفسي اعيش ونفسي افرح
ابغى دنيا تكون نظيفه
لا تغش ولا بتجرح
نفسي اشوف الناس حبايب
وجه باسم نفس تشرح
والاماني مو كثيره
اللي دايم فيها اسرح
ماهي صعبه اوكبيره
حتى اجمع فيها واطرح
حلمي اشوف كل اللى حولي
بالسعاده تعيش وتمرح
من زمان احلم بعالم
كله حب وكله ود
كله متصالح في بعضه
لافى خصم ولا في ضد
ذا بشوق يمر يسلم
وذاك بلهفه عليه يرد
تبقى هذه لي اماني
حلم دايم يستجد
نفسي اعيش