الأوله بأعداد دورات الليالي والشهور=سلام رده للبشور ومن حضر حفل البشور
جينا بعد جتنا العزيمه من مذاخير الصقور=واجب نكمل واجب اللي فالوجوب مكملــــين
والثانيه بسآلكم عن رجل بالطيب مخبور=معروف فالعصر الجديد وفي قديمات العصور
ياكم من روس انحنتله فالخيام وفالقصور=ماضاق درب المعرفه وأنتم لها يالحاضرين

الأوله أعداد ماشعشع من المطلاع نور=يامرحبا في مرحبا وحضوركم زاد السرور
واللي يكمل في وجوبه مايجي منه القصور=والطيب والتكميل عادات الرجال الغانمين
والثانيه هذي وصوف الطيب من طيب العطور=الرجل واضح ماختفى باين كما بدر البدور
العود الأزرق طيب المــآجود مابين الحضور=هذي حلول اللغز واضح للرجال العارفـيـن