=سعد المحمدي
حفيد سجل بالقاله ينتظر حافز يجيه= لكن شروطه صعبت والعلم في كم العباه
وراع البقاله عند بيته كل ليله يحتريه= وحفيد ماعنده وضيفه دوبه يحصل عشاه
=حفيد الحجيري
سعد علومه طيبه يارب ترحم والديه=المشكله طماع ما سدّه معاشه يوم جاه
راع البقاله يا سعد محدن بيسبقكم عليه=وان كان لك خاطر تعوم البحْرْ خذ سترة نجاه
=سعد المحمدي
ياليت يدري ياحسن بالعلم رجالٍ نزيه=ان الكلام اللي يقوله مايوصل منتهاه
تعبت حارس بابها وظماء لماها وشتريه = الله يجزى راعي الحسنى ويلعن من عصاه
=حفيد الحجيري
اي والله انك جيت فوق الجرح يافندي يا بيه=ذكرتني باللي بدون وضوء كبرّ للصلاه
المشكله ماهي في راس اِشعيل ظنّي في يديه=لعلها للبتر وألا شعيل يا جعلي فداه
=سعد المحمدي
حنا غدينا مضحكـه بيـن المهجـن والسفيـه=ناسٍ تعزل العود ياريف النشاما عـن لحـاه
لـيـتـه يـقــوم وكـــل عـلــمٍ يالحـجـيـري يحـتـويـه=ابغاه ساعه فوق حب الشرذمه يدرج رحاه
=حفيد الحجيري
ارج الله الرزاق والا العبد لا لا ترتجيه=ادعه (ف) تال الليل والله ما يردّ اللي دعاه
بشتك على كتفك وعطه العلم يومنّك تجيه=واليا وصلته حبّ راسه لا تقربّ من يداه
=سعد المحمدي
الله خلق عبده وقال أسعى للرزقك يافقيه= ثوب الفقر ياصاحبي ماهو مثل ثوب الغناه
دونه بطانه ياوسيع العرف عبادة وجيه= مع الطريق الدايري خلو سعد يرجع وراه
=حفيد الحجيري
والله خلق عبدن فدرب العبد الآخر يعتضيه=ثوب المحاريد احذر احذر يا سعد تلبس سواه
يا عقاب هذا هو بلاء يا عقاب ابوك اللي يبيه=دونه كباري مقْفَلَه وطويق في سدّ السراه