زومالة سالم علي البشري في زواج عمر ربيعان البشري
الأوله
سـلام رديـة وفــا بـالـطـيـب مـثـل الـنـور هـلـت
تـضفـي على أهل النوب منقيه على التقدير والتكميل حلت
ياربعنا اللي ماتوانى فاللزوم وفالمواقف ماتخلت
مثل الجبال النايفه باين علمها من بعيد
الثانيه
جينا نكمل واجب أبو دحيم والفرحه تجلت
والبيت واحد فالزمن هذا وفايامٍ تولت
مايختلف ساسه جويد بناه وركونه تعلت
يالله عسا عزه مع الأيام ماينقص يزيد
الثالثه
وش الثلاث الجاريات اللي تساعى اعزومها مايوم كلت
متوافقه متخالفه دايم عن الزلات والزيف استقلت
سبحان ربي سخر الألباب اللي استفادت منها واستدلت
والـحـل يالـعـراف ما يحتاج لـه جـهـدٍ جـهـيد
الرد / الأوله
يا مرحبا يا ربعنا اللي بالوفا ما أقول ملت
دائـم عـزيـمـتـهـم قـويـه واضـحـة ما يـوم قـلّـت
مثل الحصون اللي على رؤوس الجبال الشهب نافت استعلت
ينشـاف بـيـرقـهـا لـها بيـن الـعـرب كـنـز ورصـيـد
الثانية
جيتو على التكميل مثل أجدادنا اللي فالموافق دوم ضلت
حنا نصادقكم رجالٍ فالصحايب حازمة ما نقول ذلت
يا ربعنا اللي في رضا الرحمن له صامت وصلت
والـوزعـة اللي بـيـنـنا نـحـرص عـليها ما تـبـيـد
الثالثة
عقارب الساعة لمحنا لغزكم والشمس طلت
تمشي على التوقيت مع مامونها ما قول زلت
يا ما على المحظور بالتوقيت والميعاد دلت
هـاذي حـلـول اللغـز يا لعراف بالـعـلم الأكـيـد