سالم البشري=
ليت الهنا فالخفوق يقر=واطفي لهب فالحشا وقّاد
واللي عشانه شربت المر=قاسي وصبري معه مافاد
محمد سعد اليوبي=
يامن بدأت حالته ماتسـر=اصبر على الهجر مهما زاد
لا بد بعـد المـرار تمـر=لحظة صفاء تطفـي اللّهاد
سالم البشري=
ماهو هجر فالعيون الدُّر=المنتظر حزّة الميعاد
ولو هي بيدّي نزعت الضُّر=مااسيّبه في عنا واجهاد
محمد سعد اليوبي=
أيّامنـا بيـن كـر وفـر=ماهي على كيفنا يا استاد
واللي في عين البنادم شر=عند الولي خير لا من راد