[TABLE1="width:80%;background-color:green;"]
| [/TABLE1]
[TABLE1="width:80%;background-color:green;"]
| [/TABLE1]
اليوم يوم الوطن والناس ملتمه=الله يديم الفرح يا اعز الاوطاني
ويديم من يحتميك ومرخصٍ دمه=من اصغر الجند لين لقايد اركاني
الشعب مبسوط كلٍ ناسيٍ همه= مادام قايدك ابو متعب كحيلاني
ياما سقاهم قراحٍ صافيٍ جمه=بكفوفه اللي طلب فيهن الغفراني
مدات كفه تزيل الهم والغمه=ياسعد من عانه الله با اخو سلطاني
اعيال عودٍ على العزة طوا امْعمه=صقر الجزيرة غدا للعز عنواني
معه القبايل تشيل الحمل في هِمه=حتى اسس الحكم فيها طير حوراني
يجمع شتات الشعب فالعلم ويلمه=لين اعتلى صرحها شاهد للاعياني
واللي طلب للأمن صارت له اليمه=يلجا لها من اغدرته مر الازما ني
ياصقورنا ياحمة الدار والأمه= اللي على حدودنا واللي بميداني
هنيكم معتلين المجد للقمه=لكم الشرف في رفيع العلم لاباني
حامينها عن عدو وبايع لذمه=تستاهلون الثنا في كل الاحياني
واليوم يوم الوطن والناس ملتمه=الله يديم الفرح يا اعز الاوطاني
[TABLE1="width:80%;background-color:green;"]
| [/TABLE1]