البـــارحه سـهـران والـعـيـن عــافت
حلــو المنام ودق بالقــلـب هـاجوس

كــل الهـمــوم المــدبـــره لي تـلافـت
يلــمّها فـي عـتـمة اللّيــل حاســوس

منها مــيـول اهـــداف ناسٍ تـخــافت
لــولاي صابر يصبح العـقـل ملـموس

ومنها ميول اظــروف وقــتٍ تقـــافت
دايم تحـــز بضامــري كـــنّها مـــوس

كــــم فـــرصـةٍ مـرّت عـلـيّه وطــافـت
منها فـوادي بيـــن الاضلاع محـموس

مماتـشـوف العــيـن لـو قــلت شـافـت
ما احـدٍ ايصـدّق والخبرصارمطـموس

النصـب شــاع ومـنه الابـطال خـــافت
دق الخطر طبله على كـــل ناقـــــوس

هــبّة سـموم الوقـــت شــاطت ولافـت
عـــشب الضـماير لافـته والهـوا كوس

ون قلت بعـض جروح وقـتي تشــافت
عـصـر التلوّث عـاش به كـل فـيروس

ياحـمود بعــض الناس قـامت تهــافت
مثل الخــشاش اللّي على ضو فـانوس

اعـــرف تــراهـا هــالـكه مـاتــعـــافـت
ولايقــري الجـيعـان من يطبخ الفـوس

ون كـــان عـينـك مثـل عـيني تجـافـت
بااللّيل حـاديـها عــن النــوم كــابـوس

اطـلب ولي العـــرش بــذنه تــشــافت
ناسٍ تعـلّق به عــلى عــزة انـفــوس

التوقيع نديم الجود