هذه حداية عبدالعزيز الزبالي عند قبيلة الشاطري من مطير بتاريخ1432/10/3 في محافظة المهد (العمق).
مع عدد من ابناء قبيلة حرب في المدينة
سلام ردة من قبايل حرب والميقاف حامي
مثل الخيال اللي يزلزل بالرعد قبله وشامي
جينا لكم يامطير حمران النظر والقصد سامي
مبروك ياعبدالكريم من الضمير اليا الضمير
حنا قبايل حرب في وقت التحدي والخصامي
تاريخنا يشهدلنا بافعالنا خذنا وسامي
امن القصيم اليا جنوب ارض الوطن سلم وسلامي
ياقاري التاريخ علم كل واحد من مطير
هذي السنه هلت وكلن شاف مايبكي عيونه
شفنا المخايل والبروق تلوح في غرة مزونه
الله يديم الامن فالاوطان ويقوي ركونه
مدام ابو متعب بخير الشعب والدوله بخير
(الرد)
يامرحبا باللي لفونا عد همال الغمامي
انقولها من صفو نيتنا تحية واحترامي
الله يعيد افراحنا وافراحكم في كل عامي
يامرحبا ياحرب ياهل الطيب والساير يسير
تاريخكم وافعالكم ياحرب مافيها كلامي
وانتم وحنا كلبونا من رفيعين المقامي
وحنا مطير اهل المعاجز والمواقيف العظامي
انزبن الخايف ونقر الضيف ونعز القصير
كم حاكمن يقصف فشعبه يوم شعبه مايبونه
وحنا ملكنا عاهده شعبه وشعبه مايخونه
وحكامهم لامنها ضاقت عليهم يزبنونه
واللي كتب في اللوح يااهل المعرفه لازم يصير