قبح الله وجه منهو فالعرب يقدح زناده = لوتسمى في بحور الشعر يغرق مايعومي
علته علة وقلبه بالمرض بالحيل زاده = مثل عودٍ كل ماجاه الهوى يلعب ويومي
مادرى انه بين خلق الله تقلد له قلاده = هو زبون الناقصة بين الرجال اهل العلومي
مانذم ربعوه اللي للوفا حكام ساده = مير مانقبل من الناقص تجي زلة تحومي
حرته حرة ونبته وإن طلع وانه كتاده = دايم الواطي يعيّب فالرجال اللي قرومي
مادرى انه في ذراهم يوم كبرها الوساده = عزوةٍ ترقى سنود ولاتحسّب للرخومي
ساسهم ثابي ودار العز حكامه وقاده = يوم ذاك المدرق يقعد ولا يقدر يقومي
لاحسبنا له حساب ولاكشفنا ثوب غاده = نستر الخافي وذاك الاش عن سومه نزومي
ولا نظن الا بخير وعلم مانعرف وكاده = مانجيبه والزرا راعيه عن دربه نشومي