قالوا تريح قلت أنا كيف بأرتاح !! =الزين غايب والمدامع سكيبه
أقفى وليفي والمشاعر لها صياح=ما أحدً سمع صوت المشاعر بطيبه
لأن المشاعر صوتها كله أجراح =لو تنسمع حلت علينا مصيبه
صمت المشاعر ما لها غير مفتاح = بيوت شعرً من عناها انحكي به
واليوم زاد الهم ثم زاد ثم باح =شعرً كتبته من جروحً عطيبه
أحدً يسولف مع وليفه ومرتاح =و أحدً على الأطلال يبكي حبيبه
وأنا أسولف مع وليفي ومزاح =وابكي على الأطلال ما هي غريبه
كلً شكى همه من البعد يا صاح =واللي يلوم القلب ربي حسيبه
البعد له قوسً له خمسة أرماح =قلب المعنى كل يومً تصيبه
وأنا نزف جرحي ولا فيه جراح =غير الوليف اللي سكن وسط طيبه
مير الليالي خلت الشوق مولاح =هدت صقور أطيفانا بالغصيبه
فرقى الولايف كنهأ قاعة افراح = بها غطاريف الفرح تبتدي به
وليا سرا المعرس وكلً بعد راح =شفت الفرح مثل القمر في مغيبه
وشفت القرايب دمعها عالوجن طاح =والحزن من بعد الفرح تنتهي به
حسبي على الفرقى لها دمع فضاح=عين الهواوي يا جماعه اتعدي به
وجدي وجود اللي سكن وسط الأسياح =عودً من عياله يشوف الغليبه
الكل منهم لقبة سعبة أرواح =والماء يصوت به ولا أحدً يجيبه
على وليفيً باح سده وأنا باح =صوت المشاعر فــ البيوت الرهيبه
وأختامها دمعة من العين يا صاح = وكلً من الخلين يأخذ نصيبه