فريد أبومديده=
من مصدر الطيب أغرف غرف=ومايوم زليت عالصدقان
وليا مع أهل المعاني حرف=يطرب جميع البشر والجان
أحمد العمودي=
عندي بهذا درايه وعرف=شرواك راعي وفا وإحسان
ولكن وش للي حصل من ظرف=ومن الذي قال لك غلطان
فريد أبومديده=
بسئل مدامك رجل منصف=وماهمكم أي كائن كان
إللي تعدى على أهل العرف=وش قولكم فيه يالسلطان
أحمد العمودي=
لاشك من يعتدي مجحف=والحق متجاهله شيطان
وخصمه مخير يغض الطرف=وإلا يقاضيه بالأقنان
فريد أبومديده=
دامك بهذا الأمر تعرف=مابين هذا وذا شتان
عطنا حكم عدل ماينلف=فاللي مكدر صفا الخلان
أحمد العمودي=
ماأدري عن اللي جرى وأحلف=مالي خبر غير منك الآن
وشوري تخلي الكدر يذلف=تجاهله وسم بالرحمان