صباحك يقلق شعوري/ يبعدني ويدنيني=أنا أرجاك ياالمجهول .. تحن شوي وتسمعني
سهرتك ليلة البارح ؛؛ لوحدي ماغفت عينـي=واخاف أسري مَعَ ليلك تغيب // ولاترجعنـي
سهرتك ليلة البارح ؛؛ أعدالماضـي وسنينـي=أشوف الوقت خلاني أحـب وكيـف وقعنـي
سهرتك ؛؛ والهوى ينعش يباسٍ في شرايينـي=هملته لجْل عين اللي طلبنـي يومـه أقنعنـي
ومرت دنيتي حلوة .. على رغم الأسى فيني !=ولافكرت ليـن أقنعـت نفسـي لاتنازعنـي
رفعت الراية البيضا ولاجاهدت مـن حينـي=ثلاث أعوام أدافع بالحنيـن أشـواق تدفعنـي
ثلاث أعـوام والذكـرى تشتتنـي وتطوينـي=وانا مثل الجبل شامخ // ولابينت مااوجعنـي
وجيت بعطرك السافر تحسب إنك تداوينـي؟؟=وشم الجـرح وأدميتـه ولكـن مايطوعنـي
أكابر والأسـى فينـي يموتنـي ويحيينـي ..=خسرتك إيه أدريبي ؛ خسرتك بس وش يعني؟
تعودت الخساير من زمان الظلـم ياعينـي!!=ولابه داعـي تبكينـي ..وخلـك لاتودعنـي
........................................=...........................تريـّح لاتوادعني
.......................................=...........................تريـّح لاتوادعني