في وحدتي من دون ربعٍ وخلان=نادتني الذكرى وفاضت شجوني
ماني بشاعر قلبي اللي له لسان=يحكي عن الغربه وبكى عيوني
اسمع ونينٍ داخل الجوف لإنسان=كنّي غريبٍ بين دار وسجوني
ما حولي احدٍ واقرب الناس خوان=مالوم غيره دام راح ونسوني
حالي كذا من العام للعام يا اخوان=اشره على نفسي عطيت ورموني
الكل يحسب في قضاياه ميزان=وإليا طلبت الحق زادت ديوني
حطوا عليّا بالمشاريه حرمان=قالوا خطاك كبير وهما خطوني
انا الضعيف بعينهم صرت غلبان=في حاجتي بالحيل كانوا يجوني
واليوم ملوا واقفل الباب سجّان=وعند الضما لاحتجت .. دمي سقوني
وقررت اروح لدرب من دون عنوان=ارحل عن الديره واناجي سكوني
العزّ عندي والكرامه لها شان=واللي يدوس لطرف اوطاه دوني
ماهمني جاهل ولو كان هامان=مات الحليم اللي تعدى جنوني
من يجرح برمشه انا اليوم نيشان=غارس سهام الوقت داخل جفوني
بمسح على الدمعه ولا ازيد باحزان=ولا يوم تنزل غير للي يبوني
خسارتي انزف على شوف جثمان=واللي عطى الدمعه عطيته عيوني

[table1="width:95%;"]