الراس من زايد طواريه مرتج=مثل الصريع اللي ضواه ارتجاجي
في داخله تمّرح هواجيس تعتج=واضحا لها مرتع ومقيال داجي
من كل مايطري علي البال تلتج=متناقضات افكار من كل عاجي
أن جيت ادرّجبه واسليه واسج=احتارن اقدامي ولالي مزاجي
كني سجين(ن) فالزنازين منزج=في مشكله صعبه ولا له خراجي
سجانته زجوه في عرضها زج=والمشكله فيها عليه انعواجي
قام يتجور مونس الراس ينثج=تدوي به افكارن بليا انفراجي
كنه دوي اللي كما الحر لا هج=ناوي الهداد الصبح وقت انبلاجي
لا أقلعت من صوتها الراس يلتج=والسمع منها كن جاه انزعاجي
يدوي محركها بالاصوات ويلج=تسمع صداها من بعيد الفجاجي
ياطيب مركبها لمن فوقها دج=يلقى بها سلوه وفلّت حجاجي

المشاركة الأصلية كتبت بواسطة خالد دغيمان القبع (المشاركة 987947) اخوي الغالي خالد مبيريك صح لسانك على هذه القصيدة الكايفه قصيدة جميلة ورائعة طال عمرك حضور جزل ومميز كعادتك اخوك ابو فراس

المشاركة الأصلية كتبت بواسطة تركي العماني (المشاركة 987973) الله الله صح لسانك وبيض الله وجهك اخوي الشاعر ....خالد مبيريك الابداع لايستغرب عليك كل ماقرأت لك من قصائد تزخر بروعة الابداع ...ويشهدلك الجميع تحياتي وتقديري