|
يا اللي تجيد القاف مافيك حيله
أرسل لي أحد الزملاء الاعزاء بيوت جميله ولاأعلم أن كانت له أم لا ولقد ردينا على رسالته برسالة ومجاراة عسى أن تعجبكم الرساله والرد.......
للشعر فى ذكر المطاليق ميقاف= فهود الرجال اللي تشيل الثقيله وسوق المعاني تختلف فيه الاصناف= ولاكل من دشه يصيد الجزيله نوادره تصعب على كل عراف= ولاكل خيال يعسف الاصيله الناس تحكمها تقاليد واعراف= والمدح يزهى بالرجال النبيله تستاهل الفنجال ياشبل الاشراف= من بن صنعا فى يمينك نكيله حلياك حر(ن) ماكره رأس مشراف= أخذت من شقر الحرار الفصيله وهذا ردي ومجاراتي للأبيات السابقه
يامرحبا ياللي لنا صايغ القاف= كله شموخ وله معاني جميله ياللي قطفت زهور شعرك لي أصناف= أنت قطفت زهور جني الخميله أسقيتنا من رايع الشعر مرشاف= كنك جنيته من سحاب المخيله العرف مايعرض على كل عراف= يالصاحب اللي مابغينا بديله النادر اللي كاملات(ن) بك أوصاف= ياللي طبايعكم تشرف قبيله ياللي لصعب القاف فارس وعساف= ياللي تجيد القاف مافيك حيله |
ابيات تستحق
الاشاده على جزالة معناها مليون صح السانك |
عبدالله عتيق الحنيني صح بدنك وبيض الله وجهك على المرور ونبيل الشعور وطيب الاشادة وحسن الذكر يكمنان بمرورك المميز دمت بخير |
صح لسانك مليون على القصيده والله يـعـطـيـك الـعـافيـــــــــــة بيض الله وجهك |
لاهنت يانادر فعلاً نادر وعلى نظم الشعر قادر صح السانك مليون على هالدرر الجميله لك مني اجمل تحيه |
صح لسانك وسلم بنانك
قصيدة رائعه بروعة حضورك لك تقديري |
رائعه
النادر صح لسانك ابدعت دمت ودااام ابدااعك وتميز احترااامي |
صح لسانك أخوي نادر .. قصيدة جزلة وبيض الله وجهك عليها
وقصيدة زميلك أعتقد أنها قيلت في أحد رجالات قبيلة عنزة ولست متأكدا هل هو ابا الروس العنزي أم غيره كما أعتقد أنني سمعتها عن طري شيلة ..::.. واللي يهمنا في ذلك قصيدتك أخوي نادر فقد أتت جزلة فـ صح لسانك مرة أخرى |
رابح الجحدلي و مساعد الجليدي و فيصل الوافي و سعودية وكعام العايل صحت ابدانكم والله يبيض وجوهكم مروركم محل تقدير واحترام وكل الشكر لمشاعركم النبيله وحسن تفاعلكم دمتم بخير |
صح لسانك اخوي
لا عدمنا ابداعك |
الساعة الآن 08:35 PM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir