يا مرحبا والنهار اسفر =مادام شملي معاك التم
وان أقبل الليل وان أدبر=أناللامثال خال وعم

همك وغمك عليه ماقدر=واذا تألمت نتألم
مثلك وشرواك لو أشر=ما قول له غير سم وتم

انا اعرف ان المرار يضر=لا فرق بينه وبين السم
وقدام لا المسئلة تكبر=أشرح لنا الوضع وتكلم

درب الهوا فيه خير وشر=اعلم اذا كنت ماتعلم
ما دمت ماشي معاه اصبر= واصل طريقك بقوة عزم
وأللي وقف في طريقك حر=خله ولا بد ما يندم
أللي يضر العرب ينضر=ان كان ما تاب واستسلم