حقك علي ان كنت ضايق وزعلان= آعاهدك نبدا بصفحه جديده
جيت استبيح العذر لو كنت غلطان= والعفو من ضمن االخصال الحميده
إن الخطا يابنت من طبع الانسان=ولافيه نفس من الغلط مستفيده
مهما يطيش الظلم للحق ميزان=يرجح ومن ضيّع طريقه يعيده
والشعر مايوفيك حقك ولو كان=آصبّحك في كل يوم بقصيده
إن قلت لك لولو وعنبر ومرجان=وان قلت لك ياجوهره يافريده
وإن قلت لك ياقوت وإن قلت ريحان=وأن قلت دهن العود والا نديده
وإن قلت لك ياورد كادي ورمان=آحسها في وصف شخصك زهيده
آخاف نفتح باب وتصك بيبان=تطوفها بعض العقول البليده
يالنادره كل المزايا بك احسان=استثني الا في نقاشك عنيده
الحق باقوله ولاني بندمان=حتى ولو جا عكس شيء نريده
خاين ضميره يتعبر شخص جابان= ضيّق على نفسه فجوج مديده
يخاف من كشف الحقائق ليابان= عائش بذل ولاحياته سعيده

المشاركة الأصلية كتبت بواسطة الكحيلة (المشاركة 869905) والشـعـر مايوفـيـك حـقـك ولـــو كـــان آصـبّـحـك فـــي كــــل يــــوم بـقـصـيـده ونحنا في انتظار هذه القصيدة وصح السانك ابدعت لاشك

المشاركة الأصلية كتبت بواسطة سعودية (المشاركة 869906) قصيده رائعه صح لسانك اخوي عيسى العوفي ابدعت وتميزت بهذي الرائعه احترااامي

المشاركة الأصلية كتبت بواسطة رابح الجحدلي (المشاركة 869943) صح لسانك مليون على القصيده والله يـعـطـيـك الـعـافيـــــــــــة بيض الله وجهك

المشاركة الأصلية كتبت بواسطة حميدان العوفي (المشاركة 869961) الله الله الله صح لسانك يالبناخي على هذه القصيدة التي تعتبر من اجمل قصائد الغزل اسجل اعجابي و دمتم بخير