سلام ياهل النوب تسليمة كما مسك وعنبر


من جمعنا اللي حاضر الليلة يوافي ماتأخر


أنتم هل التكميل واهل الطيب ماعنكم معذّر


وافين والوافين بالتكميل للوافي يجون



أبنشد العراف عن ضيفٍ على العالم تكرر


ناره معه ويجود جوده للمعزب وإن تضرر


يجمع معه خصمين طول الدهرماعمره تقرر



في صلحها لو كل حكام العدالة يحكمون


الرد


يامرحبا في مرحبا ترحيب في الما قف مصدّر




واللي مشى درب الوفاء دايم مع العالم مقدّر



جيتوا على سبل الوفا واللي لفا الواجب ما قصّر



الله يحييكم تحية طيب وأنتم تسمعون



ياللي بنيت اللغز واضح عندنا ماهو معسّر



نو السحاب اللي ركد فوق الدير سيله تحدّر



سبحان اللي سيّره بأمر الله الخالق مدّبر



يفرحبه المسلم ليا من هل من غزر المزون

الله يعطيك العافيه

سلمت يمينك ولا عدمنا وجودك بطيب اختيارك
شكرا لك