يا كـثرانـا في سـود الأيـام ما شـفـت = ويا ما جـرى من سـود الأيام ضـجه
من سـودهـن يا ما تلقـيـت ما عـفـت = وفي بــيـدهـا يا ما تـعـرضـت عـجه
مشـيت في درب الشـقـا لين شـرفـت = عــلــيـك يـا جـال الـهـلاك الــمـوجه
يا ليت يـا درب الـسـعـد بك تشـرفـت = مـدري طـريـقـك ويـن لـجـل أتـوجه
سـجـيت من شـانك بالإقـدام ونكـفـت = ولا فـيـه جــون مـا تـخـطـيـت فـجه
خـطاي كم فرصه مع الوقت طـوفـت = كــنــي مـع الايــام عـــنـهــا أبـلـجه
غـفـلـت عـن وقـتي قـبل ما تصرفـت = واليوم ما عـندي على الوقت حـجه
الـمـشــكلة كـآني مع الـجـال زلـفـت = وعـن زلـة الإقــدام مـا فــيـه هـجه
ولا به وسـيـله مـنـقـذه لو تخـطـفـت = ودم الــوريـد بـطــفــت الـجـال ثـجه
والــنـاس لــونـك تـعــبـت وتـكـلـفـت = آلـيـا لــقـة دربـن عــلـيـك ابـتـعـجه
يا كـثرها وجـيهــن عـلـيهـم تعـرفـت = دام أنـهـا مـابـيـن ضـحـكـه وسـجه
يضـحك معـك بالسـالفة كان سولفـت = وكـانـه مـدحـك أبـقـولـت الله يـرجه
وان جـيت محـتاجه لموقـف توقـفـت = آلـيـا كــشــفــتـه لا خـوافــيــه دجه
لـكـن فـي لازمـك ثــقــلــت خــفــفـت = يـا للي قـريـت الـخـط عـيـد وتهـجه
الى وقـفـت أما قـفـن عقب ما عـفـت = عــلــيـك بـاللـي بـاب رزقــه يـفـجه
يـغـفـر ذنـوبك ما تأخر وما أسـلـفـت = يـا رب عـبـدك لك من الـذنـب نـجه

صح لسانك اخوي محمد

قصيدة جزلة من شاعر جزل

الحقيقة امتعتنا بهذا النص الرائع

ومايحتاج اشادة فانت شاعر مثبت وجودك

طول الله عمرك على العز والطاعة

المشاركة الأصلية كتبت بواسطة الحب الباقي (المشاركة 775663) صح لسانك مليون على القصيده والله يعطيك العافيه بيض الله وجهك