قلبي مع الشوق عناني= يهل الهوى اشتكيه لمن
تملّك القلب واشقاني = كل السبب من صغير السن

هيّضت فكري وجداني = وخلّيت كل القلوب تحن
يا ليت بالشرح تنصاني = لجل ايش هذا الفؤاد يون ؟

من ذا الحور سرت ولهاني = من طرف حارت به الأعين
عليل من طيف خلاني =يرضيك يا ذا الغرام انجن؟

الود ذا شي رباني =ولا شك ان الحور يفتن
هل يجرح القلب بالعاني =والا على اجراحكم يحزن ؟

شوف الهوى وين وداني = ماللهوى كيف والا قن
خايف مع الوقت ينساني = وعن حالي الوصف لايمكن

لا باس يا حسبة اخواني = مجبور قلب الشقي يذعن
طبيب زرته ووصاني = قال الهوى ما عنه مأمن
لو قلت انساه تعصاني = من ذاق طعم الهوى ادمن
لا صار فيه الأمل فاني = الصبر يا عزوتي أثمن