سعود المحجان

ياحرب ياحرب ياللي تسرقون الرمش والعين = مات الجمل والجمل ياحربنا ربي يبيحه
ياتركي ان روحت ياصاحبي بالزين والشين = دم الحريبي يساح ولا عليه امن الفضيحه

تركي الشيخ

ياللي تنادي وتزهم حرب حنا نقضي الدين = مات الجمل عقب ماخلا خواطركم جريحه
ان جات وان روحت وقع هنا ياطاير البين = المشكله دمك اللي كل رجالن يسيحه

سعود المحجان

ياللي كليت الطلي والا كليت امن البعارين = من كبر حظ الحريبي دنيته دنيا فسيحه
والله لولا ولولا حبكم لا اقول شينين = يالين صدر الحريبي تسمعونه في فحيحه

تركي الشيخ

العام قدمت لك راس الطلي لكن هالحين = يفداك راس الجمل ياسعود والدعوه صريحه
ليت العوازم بقو في دارهم ياناس غالين = لكنهم مرسلين اسعود ويدينه شحيحه

سعود المحجان

ياتركي احسب حساب سعود ياصعوط المجانين = سعود مثل الجبل ياصاحبي صعبه تزيحه
حنا شياطين ياتركي على روس السلاطين = وانتم سلاطين ياتركي عسى فيك المديحه

تركي الشيخ

مثل الجبل مار لاجيناك تصبح تقل فلين = اشم لي من جهتكم ياصبي القوم ريحه
وحنا سوات النجوم اللي على روس الشياطين = الله واكبر عليكم يالشياطين القبيحه