تحية تمـلاء الفضـاء تـازن الكـون=من ريح روض ساقته ريح مـع رش
متنـوع النـوار والريـح والـلـون=ترقص نواويره على ساقـه الهـش
متراص غضن منتشر تقـل مـوزون=متساوي كنه انقـوش علـى افـرش
عشبه وسم بأرض خلا ماهو مسكون=في روضة ماها من الوسـم مانـش
سجع القماري به تقل جض مطعـون=تلعب على الماء بين الأغصان والعش
تضفي على اللي لاعسرنا الدهر عون=تحية مـن مخلـص مابهـا غـش
لبوملاك اللي عن العيـب مصيـون=قمة جبل من عاتي الريح ما اهتـش
يا محمد انت اللي على السر مامـون=قبل تبين بعض الاعـراض وابلـش
أبدي عليك اللي عن الناس مكنـون=بضل الضلوع بظلمة الجوف عـرش
عشرين عام بسور الأضلاع مسجون=بالقلـب فـي زنـزانـة ماتفـتـش
ورث هجوس فرخت بالحشى جنـون=يرعى العروق وتنهش انيابه المـش
ما بديت ما بي ما بي الخلق يفتـون=ما بي مقاريـد المـلا بـي تحـرش
اللي تقل نمل علـى بـاب طاحـون=اليا اشتلـت حبـه عليهـا تهـاوش
ارجي نصر موسى على جيش فرعون=يوم انفلق عنه البحر بعـد مـا دش
أمـا يجـي لسالفـه رأس وعيـون=والا يموت الزرع بالحوض ماحـش
الكون بـه فتنـه وفاتـن ومفتـون=وقلبي عمى عن واحد غير واطـرش

الشاعر القدير الأخ سعود المبيريك

بيض الله وجهك وصح الله لسانك

ابداع رااائع كعادتك ماشاءالله

تقبل اجمل التحايا

ودمت بخير

بخيتان البشري

اشكر لك حضورك المميز

وحروفك الراقيه

تقبل تحياتي